Fundin

Eftir að hafa eytt fyrstu dögunum mínum í Kaupmannahöfn hef ég komist að því, eftir að vera nánast búin að vera týnd frá því að ég kom hingað, að það er mun hagstæðara bæði tímalega og orkulega, að vera með kort í vasanum.

Kaupmannahöfn er æðisleg og mér líður afar vel hérna, umhverfið er gott og margt er að sjá. Síðan ég kom hingað hef ég verið í kynningarviku í skólanum og það er rosalegt prógramm allan daginn, fram á rauða nótt. Það er alveg ótrúlegt hvað er haldið vel utan um skiptinemana hérna og passað upp á að þeir komist vel inn í skólalífið.

Halla kom í heimsókn til mín á fimmtudaginn og ég hef verið á fullu að sýna henni borg, sem ég þekki varla sjálf, en læri betur á í hvert sinn sem ég týnist.

Erum í kósí stemmara með DVD og nammi gersamlega búnar að labba af okkur rassinn í þessari blessaðri borg og upp þessa geggjuðu stiga.